Abstract:
Мақалада Алаш зиялыларының оқу-ағарту саласындағы идеялары мен ұстанымдары жан-жақты қарастырылады. ХХ ғасырдың басында қазақ халқының білім деңгейін көтеру, ұлттық мектеп жүйесін қалыптастыру, ана тілінде оқыту мәселесі Алаш қайраткерлерінің басты мақсаты болды. Ахмет Байтұрсынұлы, Жүсіпбек Аймауытов, Міржақып Дулатов сынды тұлғалар ұлттық оқулықтар әзірлеу, оқу бағдарламаларын жүйелеу, мұғалім даярлау ісіне ерекше назар аударды. Олар білім мен тәрбиенің өзара байланысын негізге ала отырып, жаңашыл оқыту әдістерін ұсынды. Мақалада сол кезеңдегі оқу-ағарту жүйесінің кемшіліктері мен оларды
жетілдіру жолдары қарастырылып, қазіргі білім беру саласына тигізген ықпалы талданады. Алаш зиялыларының идеялары бүгінгі білім беру үдерісімен сабақтасып, ұлттық құндылықтарды сақтай отырып, заман талабына сай дамудың маңыздылығын көрсетеді. Бұл еңбекте олардың оқыту әдістері мен педагогикалық тұжырымдарының өзектілігі мен маңыздылығы сараланады.
