Abstract:
Мақалада виртуалды білім беру кеңістігінде қалай белсенді әдістер арқылы тапсырмалар дайындауға болатыны және педагогтың сыни ойлау, өз бетімен іздену дағдыларын дамыту жолдары туралы айтылады. Оқушының өздігінен білім алуына бағытталған білім берудің маңыздылығы, цифрлық білім берудің жаңа тәсілдері талқыланады. Мақалада цифрлық ресурстардың көмегімен қазақ тілін оқытуға енгізудің мүмкіндіктері мен артықшылықтары қарастырылған. Сонымен қатар заманауи мұғалімдерге қолжетімді сандық ресурстар, соның ішінде онлайн
платформалар, қосымшалар, мультимедиялық материалдар, виртуалды шындық және ойындар қарастырылады. Мақалада цифрлық ресурстардың оқушылардың мотивациясына, оқу тиімділігін арттыруға, коммуникативті дағдылар мен шығармашылықты дамытуға әсері талданады. Сабақтың әртүрлі кезеңдерінде цифрлық ресурстарды пайдалану бойынша практикалық ұсыныстарға, сонымен қатар цифрлық білім берудегі қауіпсіздік пен этика мәселелеріне ерекше назар аударылады.
