Abstract:
Ұлы ағартушы Ы. Алтынсариннің педагогикалық идеялары қазіргі жаһандану дәуірінде де өз маңыздылығын жоғалтпай келеді. Мақалада Алтынсариннің заманауи білім беру мазмұнына үндес тұжырымдары жан–жақты талданады. Алтынсариннің идеялары білім беру құндылықтары мен кең ауқымды дағдыларға, сондай–ақ мемлекеттік тілді меңгерту әдістемесіне сәйкестендіріліп қарастырылады. Оның «адам жанының шипагері» ретіндегі мұғалім бейнесіне жасаған анықтамасы қазіргі білім беру үрдісіндегі мұғалімнің жаңа рөлімен үндес келеді. Мақалада келтірілген дәлелдер мен дәйексөздер Ы. Алтынсариннің білім беру мен тәрбие мәселелеріндегі жаңашылдығын, сондай–ақ оның қазіргі білім беру жүйесімен сабақтастығын айқындай түседі. Бұл зерттеу педагогикалық ғылым мен практикада Алтынсарин мұрасының өзектілігін одан әрі зерттеуге мүмкіндік береді.
