Abstract:
Бұл мақалада қазақ жұмбақтарының ұлттық дүниетанымдағы орны мен ерекшеліктері қарастырылады. Қазақ халқының рухани мұрасы болып табылатын жұмбақтар халықтың тұрмыс–тіршілігін, табиғатқа деген көзқарасын, мәдени құндылықтарын бейнелейді. Жұмбақтар табиғат құбылыстарын, ауыл шаруашылығын, мифологиялық түсініктер мен космологиялық көзқарастарды сипаттайды. Мақалада жұмбақтардың тілдік ерекшеліктері, символикасы, метафора мен теңеулердің қолданылуы талданады. Қазақ жұмбақтары тарихи және мәдени құндылықтарды сақтап, ұрпақтан ұрпаққа тәрбие құралы ретінде қызмет атқарады.
