МЕКТЕП ОҚУШЫЛАРЫН СТЕРЕОМЕТРИЯЛЫҚ ЕСЕПТЕРДІ ШЕШУГЕ ҮЙРЕТУДІҢ КЕЙБІР ƏДІСТЕМЕЛІК ЕРЕКШЕЛІКТЕРІ

Abstract

Мақалада геометриялық денелерге қатысты стереометриялық есептерді шығарудың кейбір əдістемелік аспектілері қарастырылған. Көпжақтар мен айналу денелеріне арналған стереометриялық есептер геометрия пəнінен жоғары сынып бағдарламасының соңғы бөлімінде үйретіледі. Жаратылыстану-математика бағытындағы жəне профильдік сыныптарында оқытын оқушылар үшін аса маңызды тақырыптардың бірі болып саналады. Мақала 10-11 сынып білім алушыларының деңгейінде геометрия пəнін оқытуға арналған бірнеше ерекшеліктердің əдістемелік негіздерінің таныстырылымы болып табылады. Берілген мақалада ҰБТ-да стереометриялық есептердің шықпауына əкеліп соғатын (теориялық білімнің əлсіздігі, мектеп оқулығында бір типті есептердің жиілігі) жəне қиындық туғызатын (кеңістікте елестету қабілетінің əлсіздігі) мəселелер қарастырылды. Білім алушылардан ҰБТ уақытында қандай есептерге көңіл бөледі, стереометрия бөліміне арналған жəне басқа есептерді шығару бойынша сауалнама алынды. Сауалнамадағы жауаптарды талдау кезінде ҰБТ уақытында стереометрия есептерін шығаруда уақыт аз бөлінетіндігі немесе мүлде бөлмейтіндігі анықталды. Стереометриялық есептерді шығаруды үйретуде, кеңістікте елестету қабілетін жетілдіруге жəне өзіндік білімін шыңдауға жəне есеп шығару дағдысын дамытуға сабақ үстінде көрнекі құралдардың, мультимедиялық технологиялардың қолдануы жəне есеп шығаруда əр түрлі əдістердің қарастырылуы есептің оңай əрі тиімді жолмен шығуына жалпы оң қабылдауын көрсетті.