Аннотации:
Ұсынылып отырған мақалада оқу лексикографиясының негізгі туындысы идеографиялық оқу сөздігінің педагогикалық қызметі жəне дидактикамен байланысы сөз болады. Сөздікте ғылыми, анықтамалық жəне дидактикалық интенциялар беріледі, сонымен қатар лексикалық бірліктер тақырыптық жəне лексика-семантикалық топтарға топтастырылады. Идеографиялық оқу сөздіктерінде дəл осындай педагогикалық қызмет орын алады. Лексикограф оқырманның тілді өз бетінше меңгеруіне жағдай туғызады. Ол оқырманмен белгілі бір қашықтықтан, оқу сөздігінің беттерінен тілдесіп отырады. Идеографиялық оқу сөздіктердің негізгі мақсаты – белгілі бір ойды жеткізу үшін сөздерді таңдауға көмектесу.
