Abstract:
Біздің зерттеуімізге дейін Алматы қаласы Баум тоғайында қаттықанаттылар фаунасы зерттелмеген, сондықтан бұл жұмысымыз өзекті болып саналады. Зерттеу мақсаты – Алматы қаласы Баум тоғайы Қаттықанаттылары немесе қоңыздары (Coleoptera) фаунасын анықтау. 2023 жылы мамыр айынан қыркүйекке дейін Алматы қаласы Баум тоғайында далалық ғылыми зерттеулер жүргізілді. Зерттеу нәтижесінде қоңыздардың 11 тұқымдасының 35 түрі анықталды: Meloidae (6 түр), Carabidae, Coccinellidae, Chrysomelidae (4 түрден), Cerambycidae, Curculionidae (3 түрден), Alleculidae, Scarabaeidae, Mordellidae (2 түрден), Buprestidae (1 түр). Кездесу саны жағынан басым Scarabaeidae тұқымдасынан: Oxythyrea cinctella, Cetonia aurata, Coccinellidae тұқымдасынан: Coccinella septempunctata, Meloidae тұқымдасынан: Epicauta erythrocephala.
