Abstract:
Бұл мақалада Жазушы О. Бөкей шығармалары тіліндегі көріктеу құралдарының бірі-теңеудің стильдік қызметі қарастырылған. Әрбір жазушының тілдік тұлға ретіндегі табиғатын, шығармашылық шеберлігін анықтайтын негізгі құралдардың бірі оның суреткерлік болмысын танытатын тілдік өрнектермен айшықталған көріктеу тәсілі болып табылады. Аталмыш мақалада қазақ тіліндегі теңеудің бүкіл лингвистикалық болмысын ашып, оның жасалу жолдары мен синтаксистік құрылымын, түрлерін жан-жақты қарастырып зерттеген – ғалым Т. Қоңыровтың «Қазақ теңеулері» еңбегі басшылыққа алынып, зерттеу жүргізілді. О. Бөкей прозасы тіліндегі көркемдегіш құралдардың біріне семантика және стилистикалық тұрғыдан талдау жасалды О. Бөкей шығармаларының тілінде синтаксистік құрылымына қарай жіктеліске түскен теңеулер қарастырылды.
